Eustress буюу Эерэг Дарамт: Сахилга баттай орчин тархины суралцах чадварыг идэвхжүүлдэг

Арилжаач өөрөө алдаад байна уу, эсвэл дүрэм үү? Үнэндээ бол дадал, хандлага л биднийг алдаанд хүргэдэг. Яаж гэж үү?

Проп фирмийн дүрэм заримдаа хэт дарамттай, хязгаартай мэт санагддаг. “Хэрвээ энэ дүрэм байхгүй бол би илүү сайн арилжаа хийх байсан” гэж бодогдох үе ч бий. Проп фирмд арилжаа хийх нь спортын тэмцээнтэй адил. Дүрэм, хязгаарлалт, алдаа гаргавал мэдээж ялагдал хүлээж байдаг. Гэхдээ ялах тэр мөчид жинхэнэ мэргэжлийн зам хүлээж байдаг.

Амжилттай арилжаачид дүрмийг хязгаар гэж биш, хамгаалалт, сургалт, дадал бий болгох орчин гэж хардаг.

Дүрэм журам, эрсдэлийн хязгаар, ашгийн зорилт зэрэг нь бүгд таны “чөлөөтэй арилжаалах” эрхийг боомилж байгаа мэт мэдрэгдэж магадгүй. Энэ нь сэтгэл хөдлөлийн хариу үйлдэл юм. Гэвч үнэн хэрэгтээ эдгээр хязгаарлалтууд нь таныг илүү мэргэжлийн болоход тусалдаг. Таны өөрийнхөөрөө арилжих боломжийг хааж буй мэт мэдрэгдээд л байвал яг тантай адил нөхцөлд бусад арилжаачид амжилттай арилжаад л байгаа гэдгийг санаарай. Ашигтай арилжаачдын ялгаа нь дүрмийг хязгаарлалт бус хамгаалалт, арилжааг хүнд болгохын тулд биш, харин илүү тэвчээртэй, системтэй, урт хугацааны өсөлтийг бий болгохын тулд байдаг гэж харж буй Mindset-д гол учир нь байгаа юм.

Яагаад хязгаарлагдмал орчин мэргэжлийн хүмүүсийг бий болгодог вэ?

Сэтгэл судлалд “stress response” буюу дарамтад хариу үзүүлэх механизм нь хүний анхаарлын төвлөрөл, шийдвэрийн чанар, логик сэтгэлгээг нэмэгдүүлдэг гэж үздэг.
Энэ нь “eustress” буюу эерэг дарамт гэж нэрлэгддэг, таныг илүү анхааралтай, болгоомжтой, стратегитай болгодог механизм юм. Энэ нь спортын тамирчин, цэргийн албан хаагчдын бэлтгэлтэй адил, бодохгүйгээр зөв үйлдэл хийх түвшинд хүрдэг.

Арилжаанд энэ процесс дараах байдлаар илэрдэг:

• Хариуцлага: Та өөрийн үр дүнгийн өмнө хариуцлага хүлээдэг.
• Сэтгэл зүйгээ хянах: Дарамттай нөхцөлд сэтгэл хөдлөлөө удирдаж сурдаг.
• Оюуны уян хатан байдал: Зах зээлийн өөрчлөлтөд илүү хурдан дасан зохицдог.

Ингэж бүтэц нь таны тархийг илүү тайван, системтэй, дата-д суурилсан байдлаар ажиллахад дасгадаг.

Хэрвээ та дүрмийг хэцүү гэж харвал тэд үнэхээр таныг хязгаарлаж байгаа мэт мэдрэгдэнэ. Намайг өөрийнхөөрөө арилжихад минь хязгаарлаад байна, албаар алдагдалд хүргэх гээд байна гэдэг бодол нь өрөөсгөл ойлголт юм. Та өөрийн харах өнцгөө өөрчилж, тогтмол ашиг хуваалт хийдэг хүмүүсийн эгнээнд очих үед энэ бодлууд зүгээр л жижиг шалтаг болон хувирах болно. Та үүнийг тархиндаа хэрхэн хүлээн авах вэ? өөрийн гаргаж буй шийдвэрийн хариуцлагаа хэрхэн хүлээн авах вэ? хэмээн дахин нэг асуугаад үзээрэй.
Бүх дүрмийн цаана зорилго бий, эрсдэлээ удирдах, тэвчээртэй байх, эсвэл сэтгэл хөдлөлөө хянах чадварыг хөгжүүлэх гэх зэрэг. Таны амжилт ихэвчлэн энэ асуултад өгсөн хариултаас эхэлдэг.

Бүх арилжаач дарамттай тулгардаг, харин цөөнх нь түүнийг өсөлт дэвшил болгон хувиргадаг. Дүрэм таныг алдуулах гэж биш, хамгаалах гэж бий. Хязгаарлалттай орчинд сахилга бат бий болдог, сахилга бат эрх чөлөөг бий болгодог.