Хэрхэн арилжааг таахаа болих вэ?

Хөрөнгийн зах зээл, крипто, форекс бүгд л нэг ижил мэдрэмж дагуулдаг: дараагийн хөдөлгөөнийг таах. Гэвч энэ сэтгэл хөдлөлөөс үүдэлтэй хандлага ихэнхдээ алдагдал руу хөтөлдөг. Таах гэж оролдох бүрт бид магадлалыг орхиж, итгэл дээр тулгуурладаг. Зах зээлд баталгаатай зүйл гэж үгүй, харин таамаг бол хуурамч итгэлцэл. Тийм итгэл үүсэхэд бид логикоо алддаг, айдас ба шунал давамгайлж эхэлдэг. Ингээд төлөвлөгөөгүйгээр оролт хийж, хяналтгүйгээр гарах нь хэвийн үзэгдэл болдог.

Хүн бүр хялбар ашиг олохыг хүсдэг. Гэхдээ таах гэдэг нь туршлага биш, сэтгэл хөдлөлөөс үүдэлтэй үйлдэл юм. “Би мэдэж байна” гэсэн бодол нь худал итгэлцэл бий болгож, үр дүнд нь хэт их оролт, алдагдал, итгэл алдалт бий болдог.

Ихэнх арилжаачид яагаад сэтгэлзүйн дарамтад ордог вэ гэхээр тэд системтэй бус, таамаглалд тулгуурласан арга барилаар арилжаа хийдэг.

Тэгвэл яагаад бид таахыг оролддог вэ?

Хүн төрөлхтөнд “pattern seeking” буюу хэв маяг хайх зөн байдаг. Энэ нь бидний тархины шагналын систем, тодруулбал dopamine loop-той холбоотой. Бидний тархи шалтгаан болон үр дагавар гэсэн логик холбоо хайж, хяналттай байхын мэдрэмжийг хүсдэг. Арилжааны үед энэ зөн идэвхждэг. Хэрвээ та нэг удаа зөв таавал, тархи dopamine ялгаруулж “Би чадлаа” гэсэн урам авдаг. Тэр урам мэдрэмж маш хүчтэй учраас бид дахин тэр мэдрэмжийг мэдрэх гэж оролддог. Ингээд нэг удаагийн амжилт биднийг дахин дахин таах оролдлогод хүргэдэг. Гэхдээ бодит байдалд зах зээл таны мэдрэмжид хамааралгүй, магадлалын тоглоом юм. Тэнд сэтгэл хөдлөл, итгэл, зөн совин ажиллахгүй. Хэрвээ та үүнийг хүлээн зөвшөөрч чадвал та таамагладаг биш, системтэй арилжаач болж хувирна.

Таах зуршлаас гарахын тулд дараах гурван ойлголт чухал:

1. Зах зээлийг та удирдаж чадахгүй. Гэхдээ та өөрийн хариу үйлдэл, шийдвэр, сэтгэл хөдлөлийг бүрэн хянах чадвартай. Зах зээлийн хөдөлгөөн таны гарт биш, харин тэр хөдөлгөөнд хэрхэн хариу үйлдэл үзүүлэх нь таны хяналтад байдаг.
2. Нэг удаа зөв таахад төрдөг тэр богинохон урам бол тархины танд тавьж буй хамгийн том урхи. Та тэр мэдрэмжийг дахин мэдрэхийн тулд илүү их эрсдэл гаргадаг. Гэхдээ арилжаа бол сэтгэл хөдлөлийн тоглоом биш. Тэр thrill-ийг хайхын оронд логик, дүрэм, сахилга бат дээр төвлөр.
3. Өгөгдөлд итгэ. Арилжаа мэдрэмжээр бус, магадлал ба статистик дээр тулгуурладаг. Хэрвээ та өгөгдөлдөө итгэж, тоон мэдээлэл дээр үндэслэж шийдвэр гаргаж сурвал “Би ингэж бодож байна” гэж хэлэхийн оронд “Би үүнийг мэдэж байна” гэж хэлэх итгэлтэй болно.

Өөрөөр хэлбэл, таах зуршил бол тархины хийсвэр хариу үйлдэл.
Нэгийг нь хязгаарлаж чадвал нөгөөг нь хөгжүүлнэ.
Таахаа болих нь бууж өгөх биш, мэргэжлийн түвшинд шилжих эхлэл.

Тэгвэл яаж?

• Төлөвлөгөөтэй арилжаа хий. Stop loss, take profit тавих энгийн алхмаар урьдчилан тодорхой нөхцөл бий болго.
• Журнал хөтөл. Таамаг бус, дата дээр үндэслэ.
• Сэтгэл хөдлөлөө хяна. Сэтгэл хөдлөлийг хэмжиж сурах нь арилжаанаас илүү чухал.
• Тэсвэртэй бай. Ашиг нь хурдан биш, тогтвортой байдлын үр дүнд ирдэг.

Хэрвээ та өнөөдрөөс эхлээд системтэйгээр ажиллаж, сэтгэл хөдлөлийн оронд магадлал, төлөвлөгөө, сахилга бат гурвыг баримталж чадвал зах зээл таны эсрэг биш, таны талд ажиллаж эхэлнэ.