Шинэхэн Арилжаачдын Проп Фирм Сонгоход Гаргадаг 7 Алдаа

Сүүлийн жилүүдэд санхүүгийн зах зээлд оролцогчдын тоо эрс өссөн бөгөөд ялангуяа форекс, фьючерс болон крипто зах зээлд арилжаа хийх хүсэлтэй хүмүүс проп фирмүүдийн санхүүжилттэй арилжаа руу эрчимтэй шилжиж байна.

Хувийн хөрөнгө оруулалт шаардалгүйгээр, өндөр хэмжээний санхүүжилт авч арилжаа хийх боломж олгодог проп фирмүүд шинэ арилжаачдын хувьд асар их боломж мэт санагддаг. Гэвч анхаарах зүйл олон бий. Энэ нийтлэлд бид шинэ арилжаачдын хамгийн түгээмэл 7 алдааг судалж, тэдгээрээс хэрхэн зайлсхийх тухай дэлгэрэнгүй өгүүлэх болно.

1. Ашиг сонирхлоо тодорхойлолгүйгээр сонголт хийх

Хүн бүр өөр өөр зорилготой, арилжааны арга барилтай байдаг. Зарим нь өдөр тутмын арилжаа хийх дуртай бол, бусад нь урт хугацааны тренд барихыг илүүд үздэг. Хэн нэгний зөвлөсөн эсвэл хамгийн алдартай проп фирм таны хувьд таарахгүй байж болно.

Гэвч зарим арилжаачид өөрийн арилжааны хэв маяг, зорилго, хүлээж болох эрсдэлээ тодорхойлохгүйгээр өөрт хамгийн сайн сонголт биш проп фирмд элсэж, үр дүнд сэтгэл гонсойх нь элбэг.

Үр дагавар:

• Өөрт тохирохгүй дүрэм журамтай програмд орно.
• Арилжааны эрхээ алддаг.
• Сэтгэлзүйн дарамтад орж, арилжаанаас гардаг.

Зөвлөгөө:

Проп фирм сонгохоос өмнө дараах асуултад хариул:

• Би өдөрт хэдэн цаг арилжаа хийж чадах вэ?
• Би богино эсвэл урт хугацааны стратеги ашигладаг уу?
• Би ямар төрлийн зах зээл дээр ажилладаг вэ (форекс, фьючерс, крипто)?
• Миний туршлага хэр вэ?

Эдгээрт үндэслэн өөрт хамгийн тохиромжтой бүтэцтэй проп фирм-ийг хайх нь чухал.

2. Зөвхөн ашгийн хувьд хөөцөлдөх (Profit Split-т анхаарлаа хэт төвлөрүүлэх)

“Таны арилжааны ашигнаас 90% авах боломж!” гэх мэссэжд хэн ч дуртай. Гэвч зөвхөн profit split-ийн хувь хэмжээг хараад сонголт хийх нь өрөөсгөл байж болно. Учир нь ашгийн хуваарилалтын дараах дүрэм, нөхцөл, төлбөрийн систем, эрсдлийн менежмент зэрэг нь таны ашиг авахад хамгийн их нөлөөлдөг.

Үр дагавар:

• “Сайхан амлалтаар” татагдсан ч, хатуу дүрэмтэй фирмд орж, ашиг авах боломжгүй болно.
• Бодит арилжаанаас ашиг авсан ч төлбөрөө авч чадахгүй байх магадлалтай.

Зөвлөгөө:

Profit split сайн байх хэрэгтэй ч дараах нөхцлүүдийг давхар шалга:

• Ашиг авах давтамж (долоо хоног тутам, сард нэг удаа гэх мэт)
• Ашиг авах доод босго (жишээ нь $100 хүрэх ёстой)
• Ашиг авахтай холбоотой дүрэм (арилжааны өдрүүдийн тоо, тогтвортой байдал гэх мэт)
• Татвар, шимтгэл, төлбөрийн нөхцөл

3. Гэрээний нөхцөл, дүрмийг бүрэн уншдаггүй

Проп фирмийн гэрээ бол таны арилжааны дүрмийн “толь бичиг” юм. Гэвч шинэ арилжаачдын олонх нь гэрээний нөхцөл, дүрэм журмыг уншилгүйгээр зөвхөн гол санааг нь ойлгоод гардаг. Үүний үр дүнд дүрэм зөрчих, ашиг авах эрхээ алдах, эсвэл төлбөрийн асуудалтай тулгардаг.

Үр дагавар:

• Дүрэм зөрчсөнөөс болж санхүүжилт болон ашиг авах эрхээ алддаг.
• Шалгалт давсан ч бодит дансанд ороход нөхцөл өөрчлөгддөг.
• Хүлээгдээгүй төлбөр, шимтгэлд өртдөг.

Зөвлөгөө:

Хэрвээ гэрээний нөхцөл англи хэл дээр бол Google Translate ашиглаад ч болтугай бүрэн унш. Анхаарах зүйлс:

• Daily drawdown
• Max drawdown
• Trading days
• Consistency rule
• Scaling plan
• Refund policy

4. Хуурамч эсвэл нэр хүндгүй проп фирмд оролцох

Интернет орчинд проп фирмүүд маш ихээр нэмэгдсэн тул хуурмаг сурталчилгаа, хуурамч төлбөрийн баталгаа-тай фирмүүд ч байдаг. Тэдэнд элсэх нь хөрөнгө алдахад хүргэх гол шалтгаан болдог.

Эрсдлийн үндсэн шинж тэмдгүүд

• Илүү өндөр ашиг амласан мөртлөө төлбөр хийхгүй
• Үйл ажиллагааны тодорхой хугацаагүй, хаяггүй компани
• Олон нийтэд муу үнэлгээтэй, хэрэглэгчийн сөрөг сэтгэгдэл ихтэй
• Холбогдох хууль эрхзүйн гэрчилгээ байхгүй

Үр дагавар:

• Ашиг олсон ч төлбөр авч чаддаггүй
• Фирм алга болох магадлалтай
• Хувийн мэдээлэл, банкны мэдээлэл алдагдах эрсдэлтэй

Зөвлөгөө:

Проп фирм сонгохдоо дараах зүйлийг шалга:

• Trustpilot зэрэг үнэлгээний платформ дээрх харилцагчийн үнэлгээ
• Нийгмийн сүлжээн дэх идэвх, бодит хэрэглэгчдийн сэтгэгдэл
• Үүсгэн байгуулагчид, ар талын баг
• Үйл ажиллагааны түүх (шинэ фирм бол анхааралтай ханд)

5. Арилжааны дүрмийн уян хатан бус байдалд анхаардаггүй

Зарим проп фирмүүд маш нарийн, хатуу дүрэмтэй бөгөөд өдөр бүр арилжаа хийх ёстой, ашигтай өдөр нь хязгаартай, лотны хэмжээ хязгаартай гэх мэт олон нарийн шаардлага тавьдаг.

Шинэ арилжаачид эдгээрийг ойлгож амжаагүй эсвэл дагаж мөрдөж чадаагүйгээс ашиг авах боломжоо алддаг.

Ямар дүрэм их асуудал үүсгэдэг вэ?

• Арилжааны өдрийн хамгийн бага тоо (жишээ нь, сард 10 өдөр арилжаа хийх ёстой)
• Өдөрт олж болох хамгийн их ашиг (жишээ нь, 5%-иас илүү ашиг гаргаж болохгүй)
• Арилжааны хэмжээний хязгаар
• Худалдааны урсгал, стратегийн хязгаарлалт (news trading хоригтой эсэх)

Үр дагавар:

• Хэдий ашигтай арилжаа хийсэн ч, дүрэм зөрчсөн шалтгаанаар ашиг авах эрхгүй болно
• Худлаа амласан маркетингийн хохирогч болно

Зөвлөгөө:

Тухайн фирмийн:

• Арилжааны өдрийн тоо
• Ашигтай өдрийн хязгаар
• Хэмжээний хязгаар (lot size)
• Арилжаа хийх цагийн хязгаар (news trading хоригтой эсэх)
  гэх мэт нөхцлийг сайтар шалга.

6. Төлбөр, нөхөн олговорын талаар мэдээлэлгүй байх

Шалгалт амжилттай өгөөд, дансанд санхүүжилт авсны дараа ашиг гарсан ч төлбөр авах, ашиг авах нөхцөл маш олон янз байдаг. Тэдгээрийг мэдэхгүйгээс ашиг авах боломжоо алддаг. Мөн “retake fee” буюу дахин шалгалт өгөх төлбөр, хадгаламжийн шимтгэл зэрэг нэмэлт зардал гардаг нь олон хүн мэддэггүй.

Үр дагавар:

• Сорилт дахин өгөх шаардлагатай болдог (retest fee)
• Гэрээнд тусгагдаагүй нэмэлт төлбөр гардаг

Зөвлөгөө:

• Сорилтын төлбөр буцаагддаг эсэх
• Retake эсвэл reset-ийн нөхцөл
• Санхүүжилт авсны дараах шимтгэл, хадгаламжийн нөхцөл
  зэрэг мэдээллийг нарийвчлан уншиж ойлгох нь чухал.

Хэрхэн сэргийлэх вэ?

• Ашиг авах нөхцөл, шимтгэлүүдийг сайн унших
• Ашиг авах доод босго, давтамжийг мэдэх
• Дахин сорилт өгөх шаардлага гарвал ямар нөхцөлтэй болохыг ойлгох

7. Арилжааны сэтгэлзүй, туршлага хангалтгүй үед проп фирмд оролцох

Шинэ арилжаачдын ихэнх нь проп фирмд орсон даруйдаа томоохон ашиг олно гэж төсөөлдөг. Гэвч бодит байдал дээр арилжааны сэтгэлзүй, дүрэм баримтлах чадваргүйгээс алдагдал хүлээж, сэтгэл санаагаар унаж, дараа нь бүр бүрмөсөн арилжаанаас гарах нь элбэг.

Үр дагавар:

• Санхүүгийн хохирол (шалгалтын төлбөр, нэмэлт зардал)
• Сэтгэлзүйн дарамт, итгэл алдрах
• Зах зээлд дахин орох итгэлгүй болно

Зөвлөгөө:

Проп фирмд оролцохоос өмнө:

• Demo данс дээр 1-3 сар тогтвортой ашиг гаргаж үз
• Ажиглалтын журнал хөтөл
• Эсвэл бага хөрөнгөөр бодит арилжаа хийж сэтгэлзүйгээ бэлтгэ

Хэрхэн бэлтгэх вэ?

• Demo данс дээр тогтвортой ашигтай арилжаа хийх дадлага хийх
• Журнал хөтлөн өөрийн алдааг судлах
• Арилжааны дүрэм, стратеги бичиж, дагаж мөрдөх
• Сэтгэлзүйн бэлтгэлээ хангах

Зөв проп фирм сонголт бол амжилтын 50%

Проп фирмтэй ажиллана гэдэг бол мэргэжлийн арилжааны ертөнцөд хөл тавьж буй алхам. Энэ зам нь боломж болон сорилтыг зэрэгцүүлсэн байдаг.

Хэрвээ та дээр дурдсан 7 алдааг ойлгож, зайлсхийж чадвал, зөв проп фирмийг сонгож, тогтвортой ашигтай арилжаачин болох эхний том алхмаа зөв тавьж байна гэсэн үг.